- Бухгалтерия бўлими - Барча бажарилган лойиҳа-смета хужжатлари ва бажарилган қурилиш-монтаж ишлари  ҳамда бутлаш (комплектация) ишлар ҳисоботини юритувчи бўлим ҳисобланади. 

- молиялаштиришнинг келишилган жадвалини ҳисобга олган, бунинг учун зарур бўлган барча хужжатларни молиялаштирувчи банкка тақдим этган ҳолда лойиҳалаш ишлари ва объектлар қурилишини ўз вақтида молиялаштиришини очилиши ва жорий молиялаштирилишини таъминлайди;

- бухгалтерия, тезкор ва статистика ҳисобини юритади, тасдиқланган шаклларга мувофиқ фаолият турлари бўйича ҳисоботларни белгиланган тартибда органларга тақдим этади ҳамда уларни ишончлилиги учун  жавоб беради;

- қурилишда пудратчи, лойиҳачи ташкилотлари ва бошқа корхона, ташкилотларнинг бажарилган ишлар ва кўрсатилган хизматлар учун тўловга тақдим этилган маълумотнома счёт-фактуралар бўйича ҳисобот юритади;

- бажарилган ишларга белгиланган тартибда ҳақ тўлайди (бажарилган ишлар ҳажми ва қиймати тўғрисида имзоланган маълумотнома счёт-фактуралар асосида), шунингдек қурилиши тугалланган объект бўйича узил-кесил ҳисоб-китоб қилади;

- объектни фойдаланишга тайёр ҳолда қуришда ишларни бажариш ва объект қурилишини молиялаштириш жадвалларига мувофиқ пудратчига аванс беради ва уни жорий молиялаштиради.

- Молиялаштириш ва хўжалик шартнома муносабатлари бўлими - лойиҳа-қидирув, қурилиш-монтаж ишларига лойиҳа ва пудратчи ташкилотлари танлов савдоларининг ғолиблари билан белгиланган тартибда лойиҳа-қидирув ҳамда пудрат шартномаларни тузади;

- шартномалардан бир нусха олиб бухгалтерияга тақдим қилиш ишларини бажаради;

- пудрат шартномасига илова қилинадиган хужжатлардан нусха олиб молиялаштириш учун Банк, Молия ва Ғазначилик бошқармаларига тақдим қилади;

- бажарувчилар томонидан шартнома мажбуриятларига риоя этилишини назорат қилади;

- шартномага асосан объектларни муддатида топширилишини текшириб бориб, муддатида топширилмаган объектларни жадвал қилиб ҳуқуқшуносга тақдим қилади;

- Пудратчи ташкилотларни, ишларни бажариш жадвалига асосан ишларни бажаришни текшириб боради ва жадвал қилиб ҳуқуқшуносга тақдим қилади;

- ҳар бир режадаги объектни буюртмачи ва пудратчи ўртасидаги шартномани ва объектни молиялаштириш ҳужжатларини тузади ва бажарилишини таъминлайди.

- зарур ҳолларда тўлов жадвалларига белгиланган тартибда керакли ўзгартиришларни амалга оширади.

- Маркетинг, қурилиш дастурини тайёрлаш ва танлов савдоларини ташкил этиш бўлими ойлик, чораклик, ярим йиллик ва йиллик ҳисоботларни, қурилиши тугалланмаган объектларни ҳисоботларини тайёрлаб статистика ва иқтисодиёт бошқармаларига топширишни таъминлайди;

- танлов савдоларини ўтказишга тайёргарлик кўриш учун барча хужжатларни тайёрлайди ва тендер комиссиясига тақдим қилишда иштирок этади;

- объектни лойиҳалаштириш ва фойдаланишга тайёр ҳолда қуриш ишлари (хизматлари) ижрочиларини танлаш бўйича танлов савдоларини ташкил этади ва ўтказади;

- пудрат шартномасига илова қилинадиган  ишларни бажариш жадвалларини тузади;

- танлов асосида белгиланган ёки белгиланган тартибда аниқланган келишилган шартномавий нарх асосида қурилишларнинг аниқ ва титул рўйхатларини тузиш ва аниқлаштириш учун таклифлар киритади;

- вилоят ҳокимлиги топшириғига кўра уч йиллик даврда республика Инвестиция дастурига киритилган лойиҳаларнинг параметрларини аниқлаштириш ҳамда кейинчалик белгиланган тартибда Ўзбекистон Республикаси Иқтисодиёт вазирлигига тақдим этиш учун унга янги лойиҳаларни киритиш бўйича таклифлар тайёрлайди;

- тасдиқланган инвестиция дастурлари ва марказлаштирилган манбаларнинг ажратилган лимитлари асосида кейинчалик Ўзбекистон Республикаси Иқтисодиёт Вазирлиги ва Молия Вазирлиги билан келишиш учун қурилишларнинг аниқ манзилли рўйхати лойиҳасини тайёрлайди;

- қурилиш объектларининг манзилий рўйхатини тасдиқлаш учун вилоят ҳокимлигига киритади. 

- Бирламчи рухсат берувчи лойиҳа ва танлов хужжатларини тайёрлаш бўлими -Лойиҳа-смета хужжатларини тайёрлаш, топшириқ бериш, техник шартларни олиш, лойиҳа-смета хужжатларини тасдиқлаш, экспертизадан ўтказиш каби ишларни бажаради:

- лойиҳалаштиришга топшириқ беради;

- тегишли ташкилотлар билан экспериментал, илмий текшириш, археология ишлари ва бошқа ишларни бажаришга шартномалар тузади;

- лойиҳа-смета хужжатлари экспертизадан ўтказилишини, келишишини, тасдиқланишини, шунингдек экспертизанинг ваколатли органлари хулосалари ҳамда пудрат ташкилотларининг мулоҳазалари бўйича тегишли  хужжатларга тузатиш ва қўшимчалар  киритилишини ташкил этади;

- қурилиш учун майдон танлаш ва ажратилиши бўйича комиссиялар ишида иштирок этади;

- қурилиш учун ер участкалари ажратиш тўғрисидаги хужжатларни расмийлаштиради ва белгиланган муддатларда белгиланган тартибда пудратчиларга беради,тегишли органлар ва фойдаланиш хизматларининг рухсатномаларини расмийлаштириш;

- электр узатишларнинг хаводаги линиялари ва алоқа линиялари ҳудудида, темир йўллар линиясида, қурилиш майдонида жойлашган ер ости коммуникация тармоқлари (кабель, газ қувурлари, канализация тармоқлари ва бошқалар) ўтадиган жойларда ишларни бажариш;

- қурилиш даврида шаҳарларда ва бошқа аҳоли пунктларида газ, сув, буғ ва электр таъминоти бўлмаган тақдирда қурилишни ташкил этиш лойиҳасига мувофиқ мавжуд манбалардан олинадиган электр энергияси, газ, сув ва буғдан фойдаланиш;

- фуқароларга зарурат бўлганда амалдаги қонун хужжатларида назарда тутилган объектнинг умумий қиймати доирасида олиб қўйиладиган мева, резавор мева дарахтлари ва экинлари қийматини, шунингдек фуқароларга хусусий мулк ҳуқуқи билан тегишли бўлган бузилиши керак бўлган турар жойлар ва иморатлар қийматини аниқлайди;

- давлат ташкилотларига, хусусий ташкилотларга ва жисмоний шахсларга тегишли бўлган бузиладиган бинолар ва иншоотларнинг қолдиқ баланс қиймати ҳисоб-китобини, шунингдек унинг объект қурилиши лойиҳасига киритилиши асослилигини текширади;

- Давлат архитектура ва қурилиш қўмитаси томонидан берилан топшириқлар ва талаблари бўйича лойиҳа-смета хужжатларини таъминлайди. 

- қурилиш учун геодезик ажратиш асоси барпо этади ва сифати бўйича жавоб берадилар.

- Лойиҳаларни бошқариш ва қурилишни техник кузатиш бўлими - қурилиш нормаларига ва қоидаларига, бошқа амалдаги норматив хужжатларга мувофиқ қурилиши тугалланган объектларни фойдаланишга қабул қилиб олади, шу жумладан:

- қурилиш объектларининг бажарилган ишлар ҳисоботини ҳар ойнинг 28 санасида Молиялаштириш ва хўжалик шартнома муносабатлари бўлимига реестр қилиб тақдим қилади;

- қурилиши тугалланган объектлар бўйича давлат қабул қилиш комиссиясига зарур хужжатларни тақдим этади (пудратчи ташкилотлар билан биргаликда);

- фойдаланишга қабул қилинган объектларни, ижро хужжатларини, ишчи ва давлат комиссиясининг қабул қилиш далолатномаларини барча иловалар билан биргаликда фойдаланувчи органлар балансига беради;

- қурилиши тугалланган объектларни фойдаланишга қабул қилиш тўғрисидаги шаҳарсозлик нормалари ва қоидалари 3.01.04-04 да кўрсатилган қоидаларга амал қилган ҳолда расмийлаштириладиган ишлар бажарилганлигини исботловчи хужжатлар (исполнительная документация), тегишли хужжатларни тўлиқ компанияга топширади;

- норматив хужжатлар талаблари бузилган ва лойиҳа-смета хужжатлари ечимидан четга чиққан ҳолда қурилган объектлар фойдаланишга қабул қилиб олинганлиги учун жавоб беради;

- объект қурилиш ҳудудидаги бузилиши, бошқа жойга кўчирилиши ёки реконструкция қилиниши керак бўлган уйларда яшовчи фуқароларни кўчиради;

- объектларни Давлат архитектура қурилиш назорати органларида рўйхатдан ўтказади, шунингдек пудрат ташкилотларида фаолият турига ва ишларни бажаришга лицензиялар, муаллифлик ва техник назорат борлигини текширади ҳамда қурилиш-монтаж ишларини бажаришга рухсатнома олади.